Гишүүнчлэл

Монголын хөдөлмөрийн эрүүл ахуйчдын үндэсний холбоо (МХЭАҮХ) нь хөдөлмөрийн эрүүл ахуйн мэргэжлийн үйл ажилагаа, эрдэм шинжилгээг дэмжих, мэргэжилтний ур чадварыг хөгжүүлэх замаар салбарыг хөгжилд ахиц дэвшлийг бий болгох, хөдөлмөр эрхлэгчдийн эрүүл мэндийг ажлын байрны эрсдлээс хамгаалах зорилготой ашгийн бус мэргэжлийн холбоо юм.

Гишүүнчлэлийн ач холбогдол

Мэргэжлийн хөгжил

Холбооны гишүүд хөдөлмөрийн эрүүл ахуйн тасралтгүй сургалт, вебинарт, хурал, бусад арга хэмжээнд хамрагдаж мэргэжлийн мэдлэг, ур чадвараа хөгжүүлэх боломж нээгдэнэ.

Салбарын хөгжилд хувь нэмэр оруулах

Мэргэжлийн холбоогоор дамжуулан салбарын үйл ажиллагааг зохицуулдаг хууль тогтоомж, стандартын шинэчлэл, шийдвэр гаргалтад саналаа өгөх, ажлын хэсэгт орж ажиллах боломж нээгдэнэ.

Хүлээн зөвшөөрөгдөх

Холбооноос зохион байгуулах мэргэжлийн чадамжийг баталгаажуулах шалгалтад хамрагдаж, Мэргэшсэн хөдөлмөрийн эрүүл ахуйч болж, үндэсний түвшинд хүлээн зөвшөөрөгдөх.

Менторшип

Салбартаа хүлээн зөвшөөрөгдсөн мэргэжилтнүүдээс мэргэжлийн болон хувь хүний хөгжлийн хувьд дагалдан суралцах боломж нээгдэнэ.

Хүрээллээ тэлэх

Үндэсний хэмжээнд хөдөлмөрийн эрүүл ахуйн чиглэлээр төрөл бүрийн байгууллагад ажилладаг мэргэжилтнүүдтэй танилцаж, хүрээллээ тэлэх боломж нээгдэнэ.

Холбооны гишүүдэд зориулсан үйлчилгээ, хөнгөлөлт, дэмжлэг

Мэргэжлийн хөгжлийн сургалт, хөтөлбөрт үнэгүй хамрагдах

Хөдөлмөрийн эрүүл ахуйн үндэс цахим сургалтын төлбөргүй үзэх
Тасралтгүй хөгжлийн Connect вебинарын бичлэгийг төлбөргүй үзэх
Менторшип хөтөлбөрт төлбөргүй хамрагдах
Дадлагажих хөтөлбөрт төлбөргүй хамрагдах

Мэргэжлийн хөгжлийн сургалт, хөтөлбөрт хөнгөлттэй хамрагдах

Хөдөлмөрийн эрүүл ахуйн тасралтгүй хөгжлийн сургалтад 20%-ийн хөнгөлттэй үзэх
Ахисан түвшний хөдөлмөрийн эрүүл ахуй сургалтад 10%-ийн хөнгөлттэй хамрагдах
Мэргэжлийн ном, гарын авлага 20%-ийн хөнгөлөлттэй худалдан авах
Хөдөлмөрийн эрүүл ахуй бага хуралд 10%-ийн хөнгөлттэй

Гишүүдэд зориулсан дэмжлэг

Мэргэжлийн үйл ажиллагаагаа эрхлэхэд нь тулгамдаж буй нийтлэг асуудлыг шийдвэрлэхэд нь дэмжлэг үзүүлэх,
Салбарын хууль тогтоомж, дүрэм журам, стандартын шинэчлэлийн мэдээллийг вэб сайт, имэйл, нийтийн сүлжээгээр дамжуулан гишүүдэд хүргэж, саналыг нь нэгтгэн холбогдох байгууллагад уламжлах, шийдвэрлүүлэхэд нь дэмжлэг үзүүлэх
Холбооны гишүүний хүсэлтээр гишүүн болох тодорхойлолт албан бичгийг үйлдэх
Гишүүдэд зоруилсан уулзалт, хурал, нийтийг хамарсан арга хэмжээ зохион байгуулах
Ажил мэргэжлийн шинжтэй мэдээлэл, зар хүргэх

Гишүүнчлэл төрөл ба хураамж

Мэргэшсэн хөдөлмөрийн эрүүл ахуйч

Хөдөлмөрийн эрүүл ахуйн мэдлэг, ур чадварын түвшин, практик туршлагаараа мэргэжлийн чадамжаа баталгаажуулсан, ёс зүй, хариуцлагатай мэргэжилтэн юм.

Шалгалтын хураамж нэг удаа 250 мянган төгргөг, гэрчилгээний жилийн хураамж 150 мянган төгрөг.

Жинхэнэ гишүүн

Нийгмийн эрүүл мэнд судлал, эрүүл ахуй-тархвар судлал, хөдөлмөрийн эрүүл мэнд-аюулгүй байдал, эдгээртэй дүйцэхүйц мэргэжлээр бакалавраар суралцаж, Хөдөлмөрийн эрүүл ахуйн төрөлжсөн мэргэшил эзэмшсэн, өдөр тутам мэргэжлийн үйл ажиллагаагаа эрхлэдэг мэргэжилтнийг Жинхэнэ гишүүнээр элсүүлнэ.

Үндсэн гишүүнчлэлийн жилийн хураамж 120 мянган төгрөг.

Энгийн гишүүн

Хөдөлмөрийн эрүүл ахуйн практик үйл ажиллагаанд оролцдог, энэ чиглэлээр ажиллах сонирхолтой нийгмийн эрүүл мэнд судлалч, эрүүл ахуйч, хөдөлмөрийн аюулгүй байдал, эрүүл ахуйн ажилтан, үйлдвэр, байгууллагын эмч, бусад чиглэлийн мэргэжилтнүүд энгийн гишүүнээр элсэж болно.

Үндсэн гишүүнчлэлийн жилийн хураамж 120 мянган төгрөг.

Залуу гишүүн

Нийгмийн эрүүл мэнд, эрүүл ахуй-тархвар судлал, хөдөлмөрийн эрүүл ахуй, хөдөлмөрийн эрүүл мэнд-аюулгүй байдлын мэргэжил эзэмшихээр суралцаж буй бакалаврын оюутан эсвэл эдгээр мэргэжлээр төгсөж хөдөлмөрийн эрүүл ахуйгаар ажиллаж байгаа эсвэл цаашдаа ажиллах сонирхолтой шинэ төгсөгчид Залуу гишүүнээр элсэж болно.

Их сургууль төгссөнөөс хойш 1 жилийн хугацаанд гишүүнчлэлийн жилийн хураамж 60 мянган төгрөг.

Хүндэт гишүүн

Салбарт үнэтэй хувь нэмэр оруулсан мэргэжилтэн Холбооны удирдах зөвлөлийн шийдвэрээр Хүндэт гишүүн зэрэг олгоно.

Америкийн үйлдвэрийн эрүүл ахуйн холбооны гишүүнчлэл

Монголын хөдөлмөрийн эрүүл ахуйчдын үндэсний холбооны гишүүд онцгой нөхцөлөөр Америкийн үйлдвэрийн эрүүл ахуйн холбоо(American Industrial Hygiene Association)-ны гишүүнээр элсэж, үйл ажиллагаанд хөнгөлөлттэй хамрагдах боломжтой.

Энгийн нөхцөлөөр гадаадын мэргэжилтэн тус холбооны гишүүнээр элсэхэд жилийн хураамж 56 доллар төлдөг бол манай холбооны гишүүн 10 долларын жилийн хураамж төлдөг. Америкийн үйлдвэрийн эрүүл ахуйн холбооны гишүүнээр элсэхийг хүсвэл холбооны үйл ажиллагаа хариуцсан менежертэй холбогдоно уу.