ХӨДӨЛМӨРИЙН ЭРҮҮЛ АХУЙН ҮНДЭС СУРГАЛТ
Монголын хөдөлмөрийн эрүүл ахуйчдын үндэсний холбооноос Хөдөлмөрийн эрүүл ахуйч, ХАБЭА-н ажилтан, Хөдөлмөрийн эрүүл мэндийн мэргэжилтнүүдэд зориулсан сургалтыг онлайн, дадлага хосолсон хэлбэрээр тогтмол зохион байгуулахаар боллоо.
Сургалтын агуулга: ХНХСайдын 2019 оны A/370 дугаар тушаалаар батлагдсан ХАБЭА-н асуудал хариуцсан ажилтны сургалтын хөтөлбөрийн Хөдөлмөрийн эрүүл ахуйн сэдвийг хамарна. Үүнд:
Модуль 1. Хөдөлмөрийн эрүүл ахуйн үндсэн ухагдахуун
- Хөдөлмөрийн эрүүл ахуйн суурь ойлголт
- Хөдөлмөрийн эрүүл ахуйч, ХАБЭА-н ажилтны үүрэг, ёс зүйн асуудал
- Ажлын байрны агаар дахь тоос, хорт бодисын өртөлт, тэдгээрээс шалтгаалсан өвчлөлийн урьдчилан сэргийлэлт
- Ажлын байран дахь физикийн хүчин зүйлсийн өртөлт, тэдгээрээс шалтгаалсан өвчлөлийн урьдчилан сэргийлэлт: доргион, шуугиан, ионжуулагч цацраг, бичил цаг уур, дулааны стресс
- Эргономикийн сөрөг хүчин зүйлс
- Ажлын байран дахь биологийн аюултай хүчин зүйлс, өртөлтөөс урьдчилан сэргийлэх зарчим
- Хор судлалын тухай ерөнхий ойлголт, хөдөлмөрийн эрүүл ахуйн зөвшөөрөгдөх дээд хэмжээ
- Химийн хортой ба аюултай бодисын ангилал, эрүүл мэндэд үзүүлэх сөрөг нөлөө, хор аюулын лавлах мэдээлэл
Модуль 2. Хөдөлмөрийн эрүүл ахуйн хэмжилт үнэлгээ
- Хөдөлмөрийн эрүүл ахуйн хэмжилтийн арга зүй
- Ажлын байрны хөдөлмөрийн нөхцөлийн үнэлгээ
- Хөдөлмөрийн эрүүл мэндийн эрсдэлийн үнэлгээ
Модуль 3. Хөдөлмөрийн эрүүл ахуйн урьдчилан сэргийлэлт
- Хөдөлмөрийн эрүүл ахуйн урьдчилан сэргийлэх арга хэмжээний эрэмбэ
- Хувийн хамгаалах хэрэгслийн талаар суурь ойлголт, тавигдах шаардлага
- Амьсгал хамгаалах хэрэгсэлийн хэрэглээнд тавигдах шаардлага
- Сонсгол хамгаалах хэрэгсэлийн хэрэглээнд тавигдах шаардлага
- Хувийн хамгаалах хэрэгслийн сонголт, тохирооны сорил
Модуль 4. Хөдөлмөрийн эрүүл мэндийн үндсэн ойлголт
- Түгээмэл тохиолддог мэргэжлээс шалтгаалсан өвчнүүд
- Ажилчдын эрүүл мэндийн үзлэгийн зохион байгуулалт
- Ажилтны эрүүл мэндийн тандалтын тухай ерөнхий ойлголт
- Ажилтны эрүүл мэндэд тавигдах шаардлага, ажил хөдөлмөрийн тохироо
Сургалтын цаг: 40 цаг (3.3 багц)
Сургалтын хэлбэр: Онлайн болон дадлага хосолсон
Сургалтын хугацаа: 2020.09.01-09.30
Зохион байгуулагч:
•Монголын хөдөлмөрийн эрүүл ахуйчдын үндэсний холбоо
•Цахим сургалтын Skillup платформ энд дарж нэвтэрнэ үү
Сургалтын төлбөр:
Гишүүнчлэлтэй хүн - Эхний 1 бүлэг үнэгүй, үлдсэн 3 бүлгийг 80,000 (30%-ийн хөнгөлөлттэй) холбооны 5111192587 (Хаан банк) тоот дансанд сургалтын төлбөрийг шилжүүлнэ. Гүйлгээний утга хэсэгт овог, нэр болон утасны дугаар, сонгосон сургалтын нэрийг бичнэ. Төлбөр төлсөн баримтыг [email protected] хаягаар ирүүлснээр баталгаажих болно.
Гишүүнчлэлгүй хүн - 160,000 (Skillup.mn сайтаар нэвтрэн сургалтаа сонгон шууд худалдан авалт хийх)
Дадлага сургалт авах бол - нэмэлт 40,000 (Онлайн хичээл дууссаны дараа дадлага хичээл авах хүсэлтэй хүмүүс нэмэлт төлбөрөө төлөн хичээлийн хугацааг товлоно)
Сургалтын талаар мэдээллийг +976-94993793 (Б.Алтанзул) дугаарын утсаар холбогдон авна уу.